Te Kura Māori o Porirua

(04) 235 9617 tari@kura-porirua.school.nz 392 Warspite Ave, Ascot Park, Porirua 5024

He kura te tangata

Nā Dovey Katene-Horvarth te katoa o ngā kupu, atu i te whakatauki a  Kiripuai, he kura te tangata.  Nā Kohuroa Ruwhiu te rangi

Honongaitua


Ka rangona (i) te harurutanga o te moana e

Rā ngā whetū i kite nei i te raru o te ao

Hurihuri ō mahara, ki ngā iwi e, 

O ngā wā o mua rā, ki ngā kupu kōrero a ōu tūpuna

Toi te kupu, toi te mana, toi te whenua

Kia mataara e

Kia mau kei ngaro e

E kī ana te kōrero a te Kiripuai e

He kura te tangata x2


Toro mai

Nā Kīngi Ihaka (Te Aupouri)

Honongaitua

Toro mai tou ringa

Kia harirūtia

Tōu ringa i awhi pono

I awhi taku tinana

Auē auē te aroha

I a rātou mā

Auē auē te aroha

Ngau whakaroto nei

 

Hikitia e ngā iwi

Kia rewa ki runga

Ngā taonga, ngā mātua

Kua ngaro ki te pō'

Auē auē te aroha ...


Kua rongorongo 

Nā Kōhine Pōnika

Honongaitua

Kua rongorongo ake ahau

E haere ana koe e taku tau

Whakawhiti ana i Te Moananui-

a-Kiwa e

 

Ka patupatu ake taku manawa

Ka whakarangirua i aku mahara

(Auē) e tama ko taku aroha

Kore rawa e mutu mai

 

Waiho rā mā te wā

Koutou e tama mā

E whakahoki mai

Kia awhiawhi atu aku ringa nei

Ki tō uma piri ai


Te honohono mai rā

Nā Te Rōpū Reo a John Tapiata ki Te Kupenga 


Aue kia ora koutou e te iwi e

Kua eke mai ki runga o te kura nei

Te Kura Māori o Porirua

Hei mau mai i te aroha e

Te honohono mai rā i te taura tangata 


Mā te Matua i te Rangi e tātou e ārahi

Mā te Wairua Tapu te Tama e whakamana i ngā mahi nei


Aue kia ora koutou e te iwi e

Kua eke mai ki runga o te kura nei

Te Kura Māori o Porirua

Hei mau mai i te aroha e

Te honohono mai rā i te taura tangata 


(Mē kei waho o te kura me pēnei te rārangi tuarua . .

Kua eke mai mātou o te kura nei)


E taku kura e


Ka tū ki Poutuarongo, te miha o te kura

Ko te aroha, ko te hari me te koa

Tōku katoa


Ka tipu, ka wake noa

Ki Poutokomanawa

He ngahau, he whitawhita, he hianga

Tōku ahurei


Ko te Poumua o te kura

He rongo i ngā reka o te ao

Ka wehi, ka wana te tangata

ki Kaiāwha o te rangi


Te Puawaitanga o ngā whakaaro

Kia tūhura tōku tuakiritanga

Ka hao te rangatahi

Kia hura ki te iwi

Kia kura te tangata


E taku manu raukura

Kia whera ōu ringaringa

Kia ngawari

Kia mārohi

Te putanga ki te whai ao, 

ki te ao marama



Kei Whea Mai

Nā Hāmi Doyle

 

Tama: Kei te riu o Porirua

Kei whea mai he Kura tua atu i te

Kura Māori e (Porirua!)

 

Kotiro: Ko te tika, ko te mana,

Ko te wehi, ko te wana.

Tino Rangatiratanga e

 

Karanga maunga

Ko ngā mata waka

Tupu tahi ana e

 

Purea mai nei ngā hau e wha

E hau mai nei

Mai taua tata e

 

Huaina ana akomanga

I ngā rākau tapu o te ngahere

tapu o Tāne e (Waitangirua!)

 

Mai maui whakamatau haere

I te raki, ki te tonga

Me kī he whānau kotahi aue

 

Ko ngā taonga  tuku iho

Ko ngā taonga arahina e         (Puri kia ita)

 

Mā te reo maioha

Mā te reo pōhiri

Ka tū maia koe            

 

Te Kura Māori e ngunguru nei   Hi Au Au Aue Ha  x 3

 

Maranga, maranga, maranga,  matika mai ra koe te Iwi Maori  x 2


Aue te aroha

Nā Moe Ruka

Honongaitua


Auē te aroha i ahau, 

Auē e te iwi e 

E te iwi Māori puritia kia mau,

Utaina ki    runga i te waka o te ora 

Ka hoe ai ki te tauranga. 


Ko te kupu a te Kaiwhakaora, 

A Hehu tino aroha 

Wetewetekia atu ngā ururua 

E te hunga e mamae ana 

Ka aru mai ai i ahau. 


E te iwi whakarongo ake ra, 

Ki te reo e karanga mai nei 

Whāia kia mau te kotahitanga 

He mea paihere nā te rangimārie 

Kia mau ai te Rongopai





Haere Mai

Honongaitua

Haere mai, haere mai 

E ngā iwi e haere mai 

Ki runga o te marae 

Hui mai tātou katoa 

E hine mā, e tama mā 

Hapainga to mana Māori e 

Kia rewa runga rawa 

I a ha hā 

E ngā iwi e 

Haere mai, haere mai.


Tainui te waka 


Tainui te waka                         

Hoturoa te tangata                  

Raukawa te tupuna i puta mai ai     

I a Turongo me Mahinarangi           

Ko ngā tini mokopuna e  x2  hī aue!

 

Mai i Mīria te kakara ki Whitireia             

Ko te rohe pōtae o Ngāti Raukawa

Nāu te whakahau ki te hunga rangatahi 

Mō te tau rua mano e  x2          hī aue!

                

Tīmata ana mai ki Parewahawaha

Ka piki atu rā ki runga o Raukawa

Ko te hui tuatoru ki Ngatokowaru

Ngāti Pareraukawa e  x2   hī aue!

 

Te Āti Awa, Ngāti Toa me Ngāti Raukawa

Ngā whakatupuranga mō te tau rua mano

Kia whakaoti ai ngā tumanakotanga

A te iti, a te rahi e x2  hī aue!


I ngā  rā o mua

Nā Hera Katene-Horvarth

 

I ngā rā o mua noa atu,

Waiatatia te waiata o mua

Aue e hine mā, Aue e tama mā

Kia mau ki to reo Māori e

Aue, aue, aue

 

I ngā rā o mua noa atu,

I mahi i ngā  mahi Māori

E te iwi, e te iwi

Hapai ake, ki runga tēnei whakatipuranga e

Aue, aue, aue

 

Akona ai i te haka taparahi e 

Akona i te kowhiti hi!

Akona ai i te poi, pohiri poi, porotiti tapara patua

Kia mau ki tō Māoritanga, ki ngā  taonga a o tupuna

Tēnei hei kahukiwi, mo tou pakahiwi

Mo ake, ake, tonu atu e

Mo ake, ake, tonu atu e, e, e, e.......

Aue Hi!

Aue Ha!


He koanga ngākau

Nā Te Waiinanga Te Hau- Te Whānau a Ruataupare


Ka noho au ki te mata o te whenua  titiro ki te rangi e

Wherokiroki ana mai a Matariki e. 

Matariki nau mai ra.

Matariki tāpuapua.

Matariki ahunga nui a

Matariki e

 

Waiti, Waita, Waipunarangi, Tupu-a- nuku, Tupu-a-rangi.

Ko te Mata nui ko Uru-rangi. 

He koanga ngakau ka kitea koe

He koanga ngakau ka kitea koe

 

Roiroi aku kamo i te wai o te iti mo te rahi

kua riro ki te po, ki te rua nui ki te rua o Matariki


Tau Ana           

Nā Te Kura Māori o Porirua 2009


Tau ana i te pae o tōku whare

I te mahau o te Hau o Matariki

E tῡ ana te mahi a te Rēhia

a Tānerore, a Hine te iwaiwa 


Maioha te mihi ki te whakaruruhau

Kua korowaitia (e) ngā hunga nei 

Mā te wairua e kawe te ataahua

o tēnei taonga o te mahi a Rēhia

                         

Te mihi e āwhio ana nei   

Nā mātou o te riu o Porirua

E whakanui ana i te kaupapa

Whakarauika (i a) tātou te tangata

            

Taiohi tū taiohi ora e

Raraunga mai te tini te mano

Tukua tō tātou reo kia rere

Kia mārohirohi tō kupu mahurangi  


Te mihi e awhio ana nei

Nā mātou o te riu o Porirua

E whakanui ana i te kaupapa

Whakarauika i a tātou te tangata



Te Kupu a Te Whiti

Honongaitua


Te Kupu a Te Whiti Korikori e te iwi

Ko te kupu


Te Kupu a Te Whiti Korikori e te iwi

Kia ngāueue a tauiwi e (x2)


Pioioi ana te piriti Waikato e

Kei taka koe e hine, te wahine tūtika e

Aue ka rere rā, Aue aue ka rere rā

E te manu ki tōna tauranga e


Te kupu a taku tupuna Kāmura ki ahau e

Hei hanga i tōku whare, kei pioioi e

Aue ka rere rā, Aue aue ka rere rā

E te manu ki tōna tauranga e


Te kupu a taku tupuna Pekarohi ki ahau e

Hei miria whakapaipai mō Waikato e

Aue ka rere rā, Aue aue ka rere rā

E te manu ki tōna tauranga e


Te kupu a taku tupuna Humeka ki ahau e

Hei hanga wā tata iti mō Waikato e

Aue ka rere rā, Aue aue ka rere rā

E te manu ki tōna tauranga e (x2)


Te Kupu a Te Whiti Korikori e te iwi

Kia a ngāueue a tauiwi e (x2)



E minaka ana

Pania Papa

Honongaitua


Kia kaha tātou
Ki te kōrero Māori!

E minaka ana taku waha
Ki te kai a te rangatira,
Taku reo rangatira
Taku kuru pounamu tuku iho.

Mīharo kē ana
Ki tōna pakari kia ora
Tē memeha, te wairua
ki te kōrero Māori

Kia kaha tātou
Ki te kōrero Māori!