Te Kura Māori o Porirua

(04) 235 9617 tari@kura-porirua.school.nz 392 Warspite Ave, Ascot Park, Porirua 5024

Poukaiāwha

Kataraina Taepa-Matakātea
Role

Pouako Te Puāwaitanga me te Whare Oranga

Email

k.taepa-matakatea@kura-porirua.school.nz

General Information

Ka noho au ki te mahau o tōku whare ka kite ai te Te Motu Tapu a Tinirau, Taiawhiotia ana te roto nui a Kahumatamomoe,
Hoe ai te waka a Te Arawa i ngā wai ripo ki te toka a Iriirikapua te wāhi i nohoia e Hinemoa ka kite atu i te tomokanga ki Paretehoata marae, aro mai ana ngā tupuna whare a Tutanekai rāua ko Hinemoa, he whare whakaruruhau i te hapū o Te Roro te Rangi,

Ka mātirotiro haere ki te Hauauru ki te maunga Titohea a Taranaki, ki reira hoe ai te waka o Tokomaru ki te waiora o Waiongana. Ka kite atu i te marae o Muru Raupatu e tū mai rā hei whare mō wai, mō te iwi o Te Āti Awa nō runga i te rangi otirā te hapū o Puketapu.

Ka hū peke atu ki te Tairawhiti ki ngā pae maunga a Tararua, hoe hoe hoe rā te waka a Takitimu i te awa o Ruamahanga, ka kitea te marae o Papawai ararā te hapū o Ngāti Moe he huinga tāngata ki Ngāti Kahungunu ki Wairarapa.

Hoki ora mai rā mai i te maunga o Rimutaka ka tikeihia i ngā tahataha o te awa o Heretaunga ki te wai tai o te Whanganui a Tara ka kite atu i te maunga o Ahumairangi tau ana ki te marae o Pipitea he whare āhuru mō te tini me te mano nō ngā hau e whā, te iwi o Ngāti Pōneke
E rere te mānuka tomokia,
Tihei mauri tū Tihei mauri wahine a Kataraina Taepa-Matakātea he kawai nō Te Whānau Taepa.

Hayley Galo
Role

Pouako Whare Toi

Email

h.galo@kura-porirua.school.nz

Lani Keelan-Goldsmith
Role

Pouako- Whare Taiao, Iti rearea

Email

l.keelan-goldsmith@kura-porirua.school.nz

General Information

Rukuruku Hikurangi i ōna pūeru. He toka whakairo e tū ake ana ki te riu o Tapuwaeroa. Ko Tapuwaeroa te awa e rere ana ka hono ki te Mata ka puta ko Waiapu kōka hūhua.

Karekare ana ngā wai ki roto o Rangitukia, ki Te Kautuku i reira i tūtaki a Paikea ki a Huturangi, ka moe rāua ka puta ko Pouheni, nāna ko Tarawhakatu, ko Nanaia, ka puta mai ko Porou Ariki.

Nei rā he uri whakahere o Te Aitanga a Mate, Te Awemapara, Te Whānau a Takimoana, Te Whānau a Hinetāpora, Te Whānau a Hinerupe, me kī ngā hapu maha o Ngāti Porou.

Lillani Keelan Goldsmith
Kaiako
Pou Kaiāwhā
Te Pihinga

Lavinia Pewhairangi
Role

Kaiako

Email

l.pewhairangi@kura-porirua.school.nz

General Information

He nawe kei roto i o mahara, kei roto i o tikanga e hine e!

Rere arorangi taku manu aute ki te motoi o Hikurangi, a Taranaki maunga
hora nei ki runga ake o Waiapu, Oakura awa
te tumu herenga o aku waka a Horouta , Kurahaupo
kohiri ake ki nga whare tupua a Pakirikiri ki Tokomaru, Oakura Matapu
purea nga hau maringiringi ki aku hapu a Te Whanau a Ruataupare, a Nga Mahanga -a Tairi
Aku nui, aku rahi nei a Ngati Porou, a Taranaki tuturu e mihi nei

Beau Matakātea
Role

Kaiako: Reo Rangatira, Mātauranga Māori

Email

b.matakatea@kura-porirua.school.nz

Indiana Hotereni
Role

Kaiako

Email

i.hotereni@kura-porirua.school.nz

Jasmine Arthur
Role

Kaiako: Kōtuitui/Sewing Technicraft

Email

j.arthur@kura-porirua.school.nz

Te Kauru Nohotima
Role

Kaiako - Te Reo Māori, Mātauranga Māori

Email

tk.nohotima@kura-porirua.school.nz

Claude Aranui
Role

Kaiako: Ingarihi, Pūoro

Email

c.aranui@kura-porirua.school.nz

Jinesh Joseph
Role

Kaiako: Ahupungao/Physics, Pāngarau/Mathematics, Tuanaki/Calculus

Email

j.joseph@kura-porirua.school.nz

Swapan Saha
Role

Kaiako: Pūtaiao, Matū/Chemistry

Email

s.saha@kura-porirua.school.nz

Jacob Wilkins-Hodges
Role

Kaiako - Toi ataata; Whakairo

Email

j.wilkins-hodges@kura-porirua.school.nz

General Information

Ko Toi-kai-Rākau, Toi-Kai-Tangata, Toi-Te-Huatahi, ka puta ko Rauru-Nui-a-Toi, ko Paikea ka moe ki a Huturangi ka puta ko Pouheni, ko Tarawhakatu, ko Nanaia, mai i Nanaia ka puta ko Pororurangi e!

Ka tū te urunga o te rā ki Hikurangi, ko Murirangawhēnua e tū mihi atu ki te rā.
Ka Wairoro rā, ka puta te pā raki o Waiapu, ka pūhoro, ka piko ki ōku waihapu ki Waiomoko, ki tōku whenua ko Ngāti Konohi. Ka hura te moana uha, ka hura te moana pore, ka Tohe a Ruatapu ki a Kahutia Te Rangi, e hika ko te Huripūreiata ka puta ko Paikea, kei te kimi noa kei rapa noa e hika he whenua mai tawhiti, hoatu tō kauhau taniwha ki uta ki Whāngārā Mai Tawhiti.

He uri waiwai tēnei nō te whānau Tamepo, ka moe a Raniera Tamepo ki a Hohipera Leach, ka puta ko tēnei ko Jacob Wilkins-Hodges, he kaiako ki te Whare Toi o Te Puawaitanga.

Keanu Andrews-Sio
Role

Kaiako - Hākinakina

Email

k.andrews-sio@kura-porirua.school.nz

General Information

Tū ana au ki te tihi o Rangiahua maunga
Anga whakararo ai taku haere ki tōku awa a Wainui
Ki reira kauhoe atu ki runga i tōku waka haunui a Tainui
Hoe tahi ana ki raro i tōku tūpuna rangatira a Hoturoa
Tau ana ki roto o te Waiariki ki Torere

Tahuri taku aro ki te rāwhiti ki te maunga o Tihirau e tū whakahīhī ana,
Ki te awa pōkarekare o Whangaparaoa
Tū ai ko Te Whānau-ā-Apanui ki mua i te poho o Kauaetangohia marae

Ka peka atu ki te maunga titōhea o Taranaki ki a Ngāti Tūpito
Koia ko Aotea waka e pari i ngā tai o Pāteanui awa
ki tahaki o Taiporohenui whare tūpuna

Nei rā te uri o Ngaitai, o Te Whānau-ā-Apanui me Ngāti Ruanui e tuku manahau atu i ngā mihi.
Keanu Andrews, Kaiako Poumua, Te Whānau Te Pakiaka

Nathan Rei
Role

Kaiako: Whakairo

Evelyn Wharehinga
Role

Tumuaki Tuarua, Kaiako Pāngarau

Email

e.wharehinga@kura-porirua.school.nz

Sophie Tukukino
Role

Tumuaki

Email

s.tukukino@kura-porirua.school.nz

General Information

Mai i te Moengahau o Tama-te-Kapua, heke iho rā ki Aroha-ā-uta
Ki ngā paringa tai o Tikapa Moana, e tarehua ana ngā Puke ki Hauraki
Mawhiti ana taku haere ki te tai rāwhiti, ki runga o Mahia mai Tawhiti, ki Nukutaurua
Ki ngā wai tuku kiri o Maramahatea e rere ana ki Tawa pata
Whenua tupu o Rongomaiwahine, Ariki Tapairu o tōna iwi
Atītī tonu taku haere ki runga o Heretaunga, Heretaunga hauku nui, Heretaunga ararau
E tau nei ki runga o Omahu, papakāinga ki Ngāi Upokoiri, Ngāti Hinemanu
Tēnei au he mangaina nā ōku tūpuna Ngāti Tamaterā, Rongomaiwahine me Ngāti Kahungunu
E mihi ana ki te whenua, E tangi ana ki te tangata