"E kore au e ngaro he kākano i ruia mai i Rangiātea"
Ka huri taku aron ki tōku maunga titohea ko Taranaki
E rere whakararo ōku karu ki raro ki te awa o Waingongoro
Ka puta te waka Aotea Utanganui
Ko Ngāruahine - Rāngi te iwi
Ko Tania Panepasa ahau

Pai Mārire

Rere atu taku manu korihi ki ngā tihi maunga o Rangitumau,
Tau atu ai ki te kei o te Waka Tapu o Takitimu i hoea ai ki ngā wai makariri, ngā wai rerehua o Ruamahanga, ka tatū atu taku manu ki te waharoa o Te Marae o Te Oreore.
Nō reira e aku nui, e aku tama rahi, tēnei ā Ngāti Kahungunu e mihi nei, e tau nei!

Tayler Cassidy
Poutokomanawa
Kaiako o Te Rōpū Karaka
Te Whānau Te Pakiaka

Huraina tēnei panekoti kia kite atu ai koe i te mana o te wahine. Ka hau aku rongo ki te hau Ōkiwa, kia rongo ai te katoa i te mauri o Kōkāmutu, i te mauri o Paewhiti, i te mauri o Hinepūkohurangi e.

Ko Te Tāhu o Haokitaha te pae maunga
Ko Arerowhero te kōawa
Ko Ngā Taumata te pā kāinga
Ko Tunanui te taniwha
Ko Rangiaho te tangata
Ko Te Aitanga a Rangikapua te hapū
Ko Ruatoki te ahikā
Ko Juanita Teepa ahau