Te Kura Māori o Porirua

(04) 235 9617 tari@kura-porirua.school.nz 392 Warspite Ave, Ascot Park, Porirua 5024

Te Whare Kōnae

Sophie Tukukino
Role

Tumuaki, Pouako Te Puawaitanga

Email

s.tukukino@kura-porirua.school.nz

General Information

Mai i te Moengahau o Tama-te-Kapua, heke iho rā ki Aroha-ā-uta
Ki ngā paringa tai o Tikapa Moana, e tarehua ana ngā Puke ki Hauraki
Mawhiti ana taku haere ki te tai rāwhiti, ki runga o Mahia mai Tawhiti, ki Nukutaurua
Ki ngā wai tukukiri o Maramahatea e rere ana ki Tawapata
Whenua tupu o Rongomaiwahine, Ariki Tapairu o tōna iwi
Atītī tonu taku haere ki runga o Heretaunga, Heretaunga Hauku Nui, Heretaunga Ararau, Heretaunga te Haaro o te Kahu.
E tau nei ki runga o Omahu, papakāinga ki Ngāi Upokoiri, Ngāti Hinemanu
Tēnei au he mangaina nā ōku tūpuna Ngāti Tamaterā, Rongomaiwahine me Ngāti Kahungunu
E mihi ana ki te whenua, E tangi ana ki te tangata

Sharyn Cassidy
Role

Pouako SENCO Kaiako Ingārihi Tau 9-10

Email

s.cassidy@kura-porirua.school.nz

General Information

E purea ana e ngā hau o Rangitūmau ki runga i a au
Kei mua i te aroaro, e riporipo ana te wai o Ruamāhanga Kei Whakaoriori tōku marae a Te Oreore
Ko Ngā Tau e Waru te whare tīpuna.
Otira he uri nō Ngāti Kahungunu ki te Wairarapa.
Ngunguru ana a te kōpū o te whenua,
Āwhio tonu ana tōna pōtae kapua,
e te Koro Ruapehu tēnei te mihi.
Mai te kāhui maunga e rērere haere te awa o
Wanganui tae atu ki Tangaroa
Ko Te Ao Hou te marae i runga i te hiwi.
Ko Te Puawaitanga te whare e karanga mai ana.
He uri hoki au nō Ngāti Rangi.

Te Rangitapu Diane Tūnoho
Role

Resource Teacher of Māori

Email

d.tunoho@kura-porirua.school.nz

General Information

Titiro ki runga rā, ki Te Wharepūhunga a Kahu
Te kāinga tūturu o Raukawa tupuna, Raukawa tangata
Tū mai ra a Hoturoa rāua ko Takihiku
Hei whakaruruhau mō Raukawa ki Wharepūhunga
Ka huri ki te whakateraki
Ka whākana aku mata ki te kāhiwihiwi o Tararua
Tiro whakararo ra ki te waitārere, waitāhekeheke o Manawatū.
Rere noa atu au ki runga i a Kererū,
ki te whatitoka o Māhinaarangi
Te whare mōwai, mō tōku rahi

Tēnei a Raukawa ki uta, Raukawa ki tai
Takihiku ki uta, Takihiku ki tai
E whakamānawa atu nei ki ngā tōpito o tō tātou kura

Naere Andrews
Role

Hēkeretari, Te Whare Konae

Email

n.andrews@kura-porirua.school.nz

General Information

Mai i te awa o Wainui ki te maunga o Rangiahua. Tiro kau ana ki te moana, hikina whakarunga ko Tōrerenui-a-rua!

He kāwai whakaheke ngā ngare katoa o Ngaitai nō Tōrerenui-ā-rua, te tamāhine o Hoturoa o Tainui waka. Kei ngā rekereke o Rangiahua maunga te wāhi i noho ai a Tōrerenui-ā-rua rāua ko tōna hoa rangatira a Manaakiao, ki reira tutū ai te ahi kā roa o te iwi o Ngaitai.

Taura here-ā-tangata,Taura here ki te whenua,Taura here ki ngā iwi.
He uri hoki tēnei nō te papa kāinga o Hamula i te taone matua o Alofi, Niue

Nei rā te uri o Te Moana Nui ā Kiwa e mihi nei.

EveJane Baker
Role

Kaiwhakahaere Tari

Email

e.baker@kura-porirua.school.nz

General Information

Tau atu taku manu ki te tihi o Pureora haere whakararo ki ngā wai riporipo o Waimiha hoea rā te waka o Tainui ki uta hau atu rā ki roto o Mangapehi ki te tūpuna a Rereahu ki te hapū o Rereahu ki te iwi o Ngāti Maniapoto.

Haere whakateuru ki roto o Kawhia moana, Kawhia tangata ki te maunga o Karioi ki te hapū o Ngāti Wehiwehi ki runga o Okapu marae. Nei rā a Ngāti Mahuta e mihi nei.

Kelly Palmer
Role

Kiripaepae

Email

k.paama@kura-porirua.school.nz

Charlie Raerino
Role

Kaitiaki Kura

Email

c.raerino@kura-porirua.school.nz

Pete Te Tana
Role

Kaitiaki Kura

Email

p.tetana@kura-porirua.school.nz

General Information

Kei te pūmanawa o Te Ika a Māui, e koro Ruapehu tū mai rā
Parikino, e pari nei i te kino ki tōku hapū ki a Ngāti Tuera
Te awa atua, te awa tupua, e ko Whanganui
Te tupuna, te tawhito, Haunui-a-Pāpārangi
Ngā wai inuinu o Ruatipua ērā
Ngā manga iti e honohono kau ana
Ka hono, ka tupu hei awa
Hei awa tupua
E rere kau mai te awa nui
Mai i te kāhui maunga ki Tangaroa
Ko au te awa, ko te awa ko au