Ngarue ana te whenua, ngaoko ana te moana, i te hinganga o ngā tōtara whakahae o te wao, ā, mōwai ana tērā i te mūnga o ngā kākā haetara, nei kapoto ki te pō. Waiho rātou kia tïraha mai, ko tātou ki konei takatū ai ki ngā mahi.

Me pēnei noa te whakatau, ko te akaaka o te rangi ki a rātou kua rūpeke atu ki tua o te ārai, ki reira whetūrangitia ai! Ko te akaaka o te whenua ki a tātou ngā waha kōrero, ngā kōnohi kitea, nō reira tēnā anō tātou katoa.

E ngā iwi, e ngā mana kua tae mai ki tēnei o ngā whakarūrūhau mō ā tātou tamariki, ā, mō tō tātou reo rangatira hoki tēnā koutou.