Te Kura Māori o Porirua

(04) 235 9617 n.andrews@kura-porirua.school.nz 392 Warspite Ave, Ascot Park, Porirua 5024

Te Rārangi Rōpū Kaitiaki - Board of Trustees Directory

Kamiria Demuth
Role

Student Representative, Te Māhuri

General Information

E taku manu wairua, e rere ki tō taumata tirotiro e te manu o io a Korotangi. Arahia te waka, tūparapara te hē ka ū ki tai ki uta rā. Ka whakamoe taku waka a Tainui ki Ngāti Toarangatira. Huakina, wāwāhia te whatitoka o Takapūwāhia kia hora te kai, kia pua ōku kamo ki ngā wai whakariporipo o Raukawakawa, te pūponga o tangata, o wairua, o mauri. Kei ngā hūhā o Whitireia tēna koe me tō arataunga. E Te Rauparaha te kākā wahanui o te tini ngerongero, te reo orooro o te kura pōhatu mihi mai, oi mai, karanga mai. Ka oho te wairua, ka matāra te tinana, he aroha ki te aroha, ka kā te rama.

He uri tēnei i a Ngāti Toarangatira, i a Kai Tahu, i a Ngā Ruahinerangi hoki. He tauira ahau ki Te Kura Māori o Porirua, ā, nā mātou ko Chyna-maree, ko Mairangimoana te whiwhi kia tū hei taraketi mō ngā ākonga o tō tātou kura. Mai Waitapu ki Rangataua, mai Miria Te Kākara ki Whitireia , whakawhiti atu i te moana o Raukawakawa, ki Whakatū ki Wairau, te rohe whānui o Ngāti Toarangatira.

Click on a category to view all the profiles in that category. To view the profile of a particular person, click on their name.