Te Kura Māori o Porirua

(04) 235 9617 tari@kura-porirua.school.nz 392 Warspite Ave, Ascot Park, Porirua 5024

Poutuarongo

Kataraina Smith
Role

Pouako; Kaiako Ngā Kākāno

Email

k.smith@kura-porirua.school.nz

Qualification

Poutāhu Whakaakoranga

General Information

Ka rere te reo karanga ki Titirangi maunga e tiketike ana, ka heke te reo karanga ki te awa o Uawanui a Ruamatua, ngā wai rehutai, ngā tai e āki ana ki uta. Whakawhiti atu te reo karanga ki te whare Ruakapanga, te marae Hauiti, otirā ki Te Hapū Matua Te Aitanga-ā-Hauiti iwi e.

Leanne Betty
Role

Kaiako - Tītoki

Email

l.betty@kura-porirua.school.nz

Qualification

Poutuarongo Whakaakoranga

General Information

Anga taku titiro ki te maunga i kitea te pūnaki, i kitea haumi
Ko Maungahaumi te maunga
ki ngā wai āmio o te mimi a Paoa, ko Waipaoa te awa
Hoea rā te waka Horouta, ū ana ki te riu
Ko Mangatu e hora nei, ko Ngāti Waahia e tau nei
ko Mangatu te marae
Ko Mahaki te tangata
Ko Te Aitanga a Mahaki te iwi e!

Leanne Betty
Kaiako, Tītoki

Meranea Turei
Role

Kaiako - Kāpuka

Email

m.turei@kura-porirua.school.nz

General Information

Tini whetū ki te rangi Rangitāne ki te whenua”
Nei rā te mihi ki tōku koroua ko Te Oti Eruera Turei. Nāna ahau i whakaingoa ki te ingoa o tōna kuia arā, a Merenea. I korowaiatia e ngā pae maunga o Tararua te awa o Ruamahanga. E hoe ana te waka o Kurahaupo te Iwi o Rangitāne. Ka puta te hapū o Ngāti Moe ki te marae o Papawai.
“E rere kau mai te awa nui mai te Kāhui Maunga ki Tangaroa, ko au te awa, ko te awa ko au”

Nei rā te mihi ki tōku kuia ko Agnes Piupiu Taputoro. Nāna anō ahau i manaaki, i tiaki i taku tipuranga. Ko Ruapehu te maunga ahi kōmau ki te wairere o Whanganui. Ka hoea te waka o Aotea ko te iwi o Te Āti Hau nui a Paparangi, heke mai ki te hapū o Wainuiarua.
Ko Meranea Turei tōku ingoa. Ko ahau te kaiako o Kāpuka.

Te Mahoe Baker
Role

Kaiako - Nīkau

Email

tm.baker@kura-porirua.school.nz

Qualification

Poutuarongo Whakaakoranga

General Information

Koinei taku pepehā i te taha o tōku whaene……..
E tū whakahirahira ahau i te tihi o maunga Titiraupenga, heke iho ki te moana o Tauponuiātea, haere kotahi atu ki ngā pakitara kōrero ki te tāhuhu o te whare o tō tātou tīpuna, a Pakeketaiairi, kua tae atu ki te waka o Tainui hoki. Ko Te Mahoe Baker taku ingoa. Ko ahau tētehi o ngā kaiako o Poutūārongo Ko Ngāti Raukawa te iwi.

Mererangi Moore
Role

Kaiako - Nīkau

Email

m.moore@kura-porirua.school.nz

Qualification

Poutuarongo Whakaakoranga, Poutuarongo Mātauranga Māori

General Information

Hoki ake au ki tōku tūrangawaewae, ki Te Tairāwhiti.
Tū ake au ki runga i tōku maunga rongonui, arā, ēhara tōku maunga i te maunga nekeneke, he maunga tū tonu a maunga Hikurangi, kia pūrea e ngā hau o Tāwhirimātea.
Titiro whakararo ki ngā wairiporipo o tōku awa o Waiapu. Kite ai i ngā hoea o tōku hapū a Te Aitanga-ā-Hauiti e hoe ana i tōku waka o Horouta ki tōku marae o Puketawai.
Mā reira ka taea te kite i tōku iwi a Ngāti Porou e mahi ngāhau ana. Kātahi ka huri tōku aro ki ngā wai o tōku moana a Kaiaua e aki kau ana.
Tēnei he uri nō Te Urunga mai o te rā, Nō Porouāriki tangata, nō Porouāriki tipuna e mihi nei.

Mererangi Moore

Jamie Hill